So wenig wia da letzte Winta a Winta war, so vui mehra hod uns Väterchen Frost des Jahr a Freid macha kenna.
Vorweg: de koidn Temperaturen san gwies ned fia jedn wos, aba koana ko erzäin, dass a varegneta Januar bei durchschnittlich 5 Grod scheena is wia a flockiga Schnää bei -1 Grod. Wem gäd ne das Herz auf, wenn er de gloana Kinda Iglus baun und Schlittnfahrn siehgt und si selba wieda zruckerinnert fuit an de woi unbekümmertste Zeit im Lebn.
Des kannt dir aa gfoin
Wenn as ganze Land unta a Schnäädeckn liegt kimmt doch ois erst so richtig zur Ruah, um im Lenz wieda in neia Pracht voi aufzumbliahn. Bis dohi schaud ois oafach moi ganz anders aus: da Sää os auf oamoi begehbar und ois schaut wieda so sauba aus. Ma griagt sofort Lust aa selba amoi innezumhoitn und de entspannte Atmosphäre zum nutzen, moi üba sei eigene Wäid a bissl genaua nochzumdenga.
Wia guad duad a warma Tää oda Glühwein, wenn ma stundenlang draußen in da Kältn de koidn Temperaturen getrotzt hod und bestaunt hod, wia vazaubert schnääbedeckte Tannabaam ausschaun kennan. Ma ko si vo gloa auf wieda zu voller Gress aufbaun, genauso wia a Eiszapfa, der mit jedem Dog Winta wiedawachst, bis er letztendlich wieda freiglossn werd und eifliaßn ko in unsre scheene Erdn. Warum oiso ned amoi wieda Kind sei und Schneeflocken mit da Zunga fanga? De Eiskristalle vom Schnää zoang sehr guad, wia wertvoi eigentlich da Winta fia uns Menschen sei ko.
Vielleicht grantln ma vui zu oft, weil ma moi wieda de Einfahrt freischaufeln oda auf da glattn Straß zur Arbaat fahrn miassn. Aba genau dann soit ma uns dro erinnern, dass es eben oafach guad doa ko, wos Bedeckts freizumleng oda de Extraminutn im Auto zu realisieren, dass ebba zumindest des Jahr mit’m Winta guad mit uns gmoant hod.
