De Gedanken san frei! Noch 4 Jahr Arbaat is endlich soweit: as erste Buach vo Boarischkult is ab 30.11.2023 erhältlich!
De Autoren Robert & Sabine Wetterstetter ham vui Zeit, Herz & Liebe reigsteckt, damit a perfekte Mischung aus Gedichteband und Bergtourenführer entsteh konn. In „Bergauf“ vereinen si de physische Wäid vo de machtign Berg mit da geistign Fülle, welche überoi in da Natur zum finden is.
Des kannt dir aa gfoin
Insgesamt san 45 Bergtouren der oberboarischen Voralpen aufgführt, und zu jedem gibt’s a Berggedicht, des immer a passende Stimmung zu de selber gschossnen Fotos erzeugt!
In unserer letzten Podcastfolge erzäit da Robert a bissl üba den Entstehungsprozess vom Buach und liest a paar Gedichte vor.
Des Buach gibt’s bei uns im Lodn zum kaffa, entweder auf Graspapier oder auf Normalpapier. Mia gfrein uns auf eire Unterstützung!
Und weil ma ned so sei woin a gloans Gedicht aus unserm Buach vorweg:
Lebn!
Wenn Schweiß scho von da Stirn wegdropft
Wennst stur zum Gipfe strebst
Wenn Wille an dei Herz droglopft
Merkst richtig, dass’d no lebst!
Wenn d’Vieher durchn Woid rennan
Und d’Luft vor Freid scho bebt
Wenn d’Aung scho fast wia Hoiz brennan
Merkst richtig, wia d’Wäid lebt!
Wenn d’Gaudi uns vergessen losst
Wos d’Leid so Schlechts ois redn
Wenn nix mehr wia a Lacha kost
Na merkma, dass ma lebn!
De Wäid is doch vui z’schee
Dass ma as Glück ganz vergisst
Loss uns mit dem Gfui lebn
Dass s’Lebn as Lebn scho wert is
