Du legst di weiß über de Felder
Strahlst vo de Dächer in de Wäid
Host d’Morgenluft a Stückl kälter
Und unsre Herzen wärmer gstäit
Du bist da Eiskristall am Fenster
Bist as Blinseln von da Sonn‘
Bist da Handschlag überm Grenzstoa
Bist da Schutzengel im Grabn
Des kannt dir aa gfoin
Bist da letzte Hoffnungsschimmer
Dei Seele flutet jeden Raum
Legt si broad ins ganze Zimmer
Und bett‘ uns ei auf weichem Flaum
Bist s’Hoizbankerl am Wegesrand
Und Spiagelbuid im gfornen Sää
Hoitst immer no de Wäid beinand
Wenn grod Oiss auf da Kippn stähd
A Tannenzweig im Flussbett drin
Und Träume steing wia Funken auf
A Liacht, des ma im Dunkeln find
Löst Ewigkeit in Stunden auf
Bringst olle Seelen durch de Nocht
Host Herzen wieder moi entbrannt!
Bist Friedensflamm‘ auf Kerzendocht
Und Hoffnung auf an Neuanfang