Wia a boarischa Musik-Messias scheint da “Oimara” Beni Hafner vo irgenda unbekannten Oim am Tegernsee runtergstieng zum sei, um a ganz neis Kapitel zum schreim: seltn hod si Mundart so frisch, innovativ und lässig ogherrt.
So wiarglich zuordnen konn ma an Oimara zu koam Genre: moi langts von Gitarrenpop zu Blues und Soul, dann kemman wieda Hiphop-Einflüsse raus, nia werds oam dabei aba langweilig.
Des kannt dir aa gfoin
De eingängige akkustische Musi is des oane, des andere san de kreativen Texte: Oft lustig, manchmoi nachdenklich, imma versiert und ausgeklügelt.
Sei erfolgreichstes Liad „Bierle in da Sun“ kennt woi mittlerweile jeda Bayer und hod an Beni Lago zurecht auf Dorfpartys und in Bauwägn etabliert. Ma derf gspannt sei, ob si da Oimara in Zukunft als Avantgarde der „neien boarischen Welle“ zu ähnlichem Erfoig wia de Spider Murphy Gang hieven wird, sicherlich is der Gitarrensound vo da Tegernseer Oim mehra ois nur a Geheimtipp.
