‚A Quantum Prost‘ is woi genau des, des tausend Jugendliche Furtgehwütige sehnlichst herbeisehnen, seitdem seit fast am Jahr olle Clubs und Bars zuagsparrt ham. Und in da Tat hod da „Oimi“ mit da ersten Single ‚Busheislparty‘ glei a lupenreins Liadl zum Feiern obgliefert, aa wenn’s zurzeit hoid nur draußen, beispielsweise am Busheisl, möglich is.
Da Wortwitz vom Oimara is woi oans der Talente, de auf dem Album bsonders hervorstechan: ‚Cannabis‘ und ‚Riesenradl‘ san zwoa Ohrwürmer, de den schwierigen Spagat zwischen Musi und Kabarett erfolgreich meistern. Und aa wenn ‚Heid is ma wurscht‘ a bissl an Falco erinnert is oans der bestn Liadl auf da Scheim de Hymne fia olle, de mid a gleichgültigen Attitude lässig durch’s Lebn ziang.
Des kannt dir aa gfoin
‚Lieblingsdepp‘ und ‚Mi Amor‘ zeichnen Beziehungsszenarien, de in da lockeren Art vom Oimara zum Mitschnipsen oreng. ‚E-Bike‘, ‚Facebook‘ und ‚Happy New Bier‘ san zwar durchaus hörenswert, aba beim mehrmaligen hearn fäit bissl da Pepp und si kennan ned ganz mit da feirigen ‚Discokathi‘ mithoitn.
Aa wenn Beni Hafner woi efters üba de Stränge schlogt, bis erm ‚ois weh duad‘, wirkt si des ned unbedingt negativ auf sei musikalische Kreativität aus, wodurch des Album si den Vorwurf ‚Wos bessers bist du ned‘ ned oheftn lossn muass, denn es is insgesamt ausgefeilta ois as erste Album ‚Bierle in da Sun‘, aa wenn wiarglich diafagehende Liadl wia ‚Die Welt von oben‘ leida fäin. Trotzdem a Album, des mit Sicherheit in nächster Zeit efters laffa werd und in scheinbar trockene Zeit fia ‚a Quantum Prost‘ in Form vo guada Laune und Ohrwürma sorgn werd.
- LIEBLINGSDEPP
- HEID IS MA WURSCHT
- BUSHEISLPARTY
- DISCO KATHI
- RIESENRADL
- MIR DUAD HEID OIS SO WEH
- MI AMOR
- WOS BESSERS BIST DU NED MIT DESCHOWIEDA
- OTTO ANNA MAOAM (Mim Rückwärtsgang nach vorn – Filmsong)
- CANNABIS
- QUANTUM
- E-BIKE
- HAPPY NEW BIER
