De Natur vom Menschn

Wos in unsara Gsellschaft trotz da allgegenwärtigen Klimadebatte so guad wia nia hinterfragt werd, is des Phänomen, se an Weihnachten an Dannabam ins Wohnzimmer zum stelln. Vui zu lang scho bestäht de Tradition, ois dass überhaupt eahna Begründbarkeit genauer untersuacht werd: So lautet de offizielle Erklärung, dass se de Gwohnheit aus am heidnischn Brauch entwickelt hod, se Dannazweig im Haus aufzhänga.

Immergrüne Pflanzn warn a Symbol für Fruchtbarkeit und soitn so des Hoam segna und im bestn Fall no bese Geister vertreim. Erst danach hod se da Trend entwickelt, ganze Baam zum fäin und in de Stubn zum stelln. Daraus lasst se de erste Erkenntnis ableiten, dass da Brauch vom Christbaam nix mit am Christentum zum doa hod, sondern a Überbleibsel is, a Abwandlung vo de Gepflogenheitn vom Julfest bzw. vo de Rauhnächt, des vo da Kirch gekapert woan is.

Germanische Riten zeichnan se durch ihre Naturverbundenheit aus, de aa de Deitschn vor ollem in da Romantik im Hinblick auf de Waldliebe zugschriebn werd.

Do ergibt se de Frage, ob dera Liebe ned tatsächlich bessa doa werdn dat, wenn jedes Jahr koa massenhaftes Abrodn vo de Dannan stattfinden dat.

Vielleicht is aber grad de Entfremdung zur Natur, de den Menschn dazu bewegt, ohne nachzudenka an Baam zum fäin, um doch wieder de Verbindung zum spürn, de dem Menschn und wohl vor ollem dem „modernen“ Deitschn innewohnt. Wia da Vater, der sei Kind ned segn derf und des deswegn widerrechtlich entführt, so sehnt se da Mensch nach dem Relikt vo seiner verlorengangenen Natürlichkeit. Da holzige Geruch vo de Dannazweig, der se ned durch a chemisches Ersatzmittel ersetzn lasst, verankert den Homo Sapiens dorthin zruck, wo er eigentlich dahoam is.

Kirchengegner dagegn äußern den Vorwurf, dass da tote Baam in da Stubn den Sieg vo da Kirch über de Natur(religionen) symbolisiern soi und deswegn bewusst ois Weihnachtstradition inszeniert werd. Aa de Sichtweis is interessant, verdeitlicht s doch de gewaltige Macht vom menschlichn Naturbezug, de in dem Fall vo da no mächtigeren Kraft brochn werdn soi, um so den Menschn ganzheitlich für se zum vereinnahma.

Egal, ob ma selber oane vo dene Ansichtn teilt, so soit doch da Aspekt vom Naturbezug in dera sehr achtsamen Winterzeit zur Kenntnis gnumma werdn. De Käite vo dera Jahreszeit entfremdet ned bloß den Menschn a Stückl vo da Natur, aa de Natur selber zieht se mit olle ihre Pflanzn und Lebewesn zruck, gäht sozusagn in se. In dem Metier übertrifft da zivilisierte Mensch aber no jede andere Lebensform, indem durch warme Heizung und künstlichs Liacht a Eskapismus stattfindt, der eben sichtbar durch den Brauch vom Christbaam ausgglichn werd. De oidn Germanen ham de natürliche Fluchtbewegung ned übertriebn, sondern ham grad de verbliebenen Elemente vo da Natur gnutzt, um ihrer Verbundenheit zum huldign: Häuser san geräuchert woan, um mit da Kraft vo da Natur ois Bese zum vertreim, und Dannabam san mit Nüss und Apfe behängt woan, um Dankbarkeit zum symbolisiern.

Vielleicht soitn mir uns also unabhängig davo, ob mir uns des Jahr an toten Dannabam, a Plastikdanna oder gar nix ins Wohnzimmer stelln, Gedankn macha, inwieweit mir de Verbindung zur Natur no ham und uns wünschn. Vielleicht war s uns ja im letztn Jahr scho zu vui Zivilisation und Technik, und mir kenna de freien Dog nutzn, um durch de reinigende Käite vo da Luft bei am Weihnachtsspaziergang an Kopf frei zum kriang und neie Sichtweisn auf unser Lebm zum gwinna.

Wärat s ned aa a schöner Brauch, im Frühling a Danna im Wald zum pflanzn, um ois unsane Pläne und Träum zum symbolisiern, während mir zum Ende vom Jahr imma bewusst ois de Ziele ois gstorbn betrachtn, de se im Anblick vom leuchtendn Weihnachtsbaam ois illusorisch rausgstellt ham?

Hod dir da Artikel gfoin? Auf Facebook teiln Auf Instagram folgn

Mia san aa auf Instagram und Facebook

Neie Gschichtn, Bilder und Gaudi: gleich folgn und nix mehr verpassn.

Koarb
Nach oben scrollen