Da trojanische Pfahl und de Demokratie

Zuagebn, ziemlich unauffällig ham si bei mir in da Gegend oanige Änderungen ergebn, und trotzdem fallns vermehrt auf: Alle paar Meter stehn jetzt ned unbedingt ästhetische 5G-Masten vo da Telekom.

Über 5G hods zwar immer wieder abstruse Theorien in Bezug auf Corona gebn, trotzdem san de Bürger ned wirklich drüber in Kenntnis gsetzt woan, wos 5G is und warum des unbedingt notwendig is. Es is sogar so, dass ma davon ausgeh muass, dass de Installation vo de Masten da Bevölkerung geflissentlich verschwiegn woan is. I hob im Nachhinein tatsächlich bloß oan Online-Artikel aus dem Jahr 2020 gfundn, der de Planung vo de betreffendn Masten betrifft.

An dera Stell mog i ned erörtern, ob und inwieweit es tatsächlich gsundheitsschädliche Wirkungen vo da 5G-Strahlung gibt, sondern de fehlende Einbeziehung vo da Bevölkerung thematisiern.

Für de 5G-Technologie miassn wegn da höheren Frequenz de Sendemasten in kürzere Abstände stehn, um a entsprechends Gebiet im selbn Maß abzudecka wia Sendewelln mit niedrigere Frequenzen, wodurch jetzt etwa olle 2 km a Mast installiert woan is.

Bis jetzt war i gwohnt, dass etwaige Änderungen an da Infrastruktur im Gemeinderat oder vo höherer Instanz beschlossn werdn, vor allem soweit es si um ned-öffentliche Auftraggeber handelt. So werd ned oafach nachts a neis Schienennetz verlegt, damit de Bahn a weitere Station anbietn ko, sondern is auf des Wohlwolln vo da Bevölkerung angwiesen.

Im Fall vo de 5G-Masten is de Telekom für de überraschendn Installationen verantwortlich, obwohl i davon ausgeh, dass sehr wohl oanige Einwohner wos gegn dene Neierungen ham. Warum werdn Bürger also ned über a solchas Vorgehn informiert, gschweige denn nach ihrm Einverständnis gfrogt?

Für mi persönlich war de bisher möglich Transferleistung am Smartphone mehr wia ausreichend, in da Industrie wär sowieso a Glasfaserkabel de probatere Lösung, womit aus meiner Sicht koa absolute Notwendigkeit für de neie, unbekannte Technologie gibt. In solchane Fäll warn doch also a regionaler Diskurs und Informationsaustausch ned bloß angebracht, sondern absolut notwendig. Es is in dera Hinsicht enttäuschend vo de örtlichn Politiker, dass de des diktatorische, gsellschaftsfeindliche Vorgehn oafach so durchgwunka und verschwiegn ham, weswegn i mir auf jeden Fall a Aufarbeitung wünschn tät.

Vielleicht is de Aktion a Zeichn, dass mir uns als Menschn mehr um unser Umfeld kümmern miassn? Mir soitn uns mehr vernetzn, mehr über olle Dinge redn, de unser Lebm direkt oder indirekt betreffn. Wia soin mir es bewerkstelligen, unsere Natur zu schützn, wenn a solch naheliegende Änderung vo unsere Lebensbedingungen über unsere Köpf hinweg bestimmt werd?

Unabhängig davon, ob ma de 5G-Technologie also begrüßt oder verteufelt, soit si immerhin a Unmut in jedem oanzelnen Bürger breitmachn, do übergangen woan zu sei. Vielleicht werd es amoi wieder Zeit für an freundlichn Brief an Bürgermeister oder Gemeinderat, um de Aktion für olle Bürger transparent zu macha.

Hod dir da Artikel gfoin? Auf Facebook teiln Auf Instagram folgn

Mia san aa auf Instagram und Facebook

Neie Gschichtn, Bilder und Gaudi: gleich folgn und nix mehr verpassn.

Koarb
Nach oben scrollen