Schene oide Welt

Heuer im Summa auf a Fest geh und an rein goar nix mehr erinnert werdn, wos de letzten zwoa Jahr passiert is? Ois, grad ois ob de Zeit zwischen März 2020 und März 2022 gar ned existiert hätt: is des möglich? Wolln des de Menschn überhaupt?

Zuagebn, es is ja aktuell scho angenehm, irgendwo eingladn zu sei, ohne zwangsläufig über Inzidenzen und Impfungen diskutiern zu miassn. Jetzt aber in Zukunft de Maskn bloß no für handwerkliche Tätigkeitn wia Lackiern aus dem Schrank zu hoin, des kimmt oam geradezu phantastisch vor.

Aber mir ham glernt, dass de Ängste und Sorgn vo da Bevölkerung sehr schnell wechseln kennan, vor allem dann, wenn se bsonders über de Medien gschürt werdn. So is des Dauerbrenner-Thema Terror und Migration vo 2015 bis 2019 fast vollständig aus de Zeitungen und Kommentarspaltn verschwundn, is also quasi über Nacht austauscht woan durch de Gsundheitsdebatte, de jetzt wiederum durch de europäischen Drohgebärdn in da Ukraine ersetzt werdn kannt.

Nehma mir also amoi o, de Medien hättn a neis Ziel, des se wia de Aasgeier oflieng kennatn, wia tät si des auf de Gsellschaft auswirkn? Natürlich gäb es wohl wieder mehr „echte“ Interaktionen: Diskussionen warn wieder vermehrt an de Stammtisch, in de Gschäfte, Wirtschaftn und Bars stattfinden, anstatt per Artikel in de sogenannten sozialen Netzwerke gteilt zu werdn. Außerdem war de Diskussionsgrundlage vo de vergangenen zwoa Jahr so volatil wia a Virus selber: jeden Dog ham se erneut Unmengen an Informationen und Zahln austauschn miassn, um überhaupt mitredn zu kenna. Es is wohl sehr unwahrscheinlich, dass si Diskussionen über an möglichen Krieg in Osteuropa genauso präzise um de tagesaktuellen Waffenkapazitätn und Frontverläuf drehn warn.

Aa san bei weitem ned so vui Menschn direkt vo zum Beispiel Krieg oder Terror betroffn: de massivn Grundrechtseinschränkungen ham aber Anlass gnua gebn, dass jeder seine persönliche Sicht vo de Dinge mit seim Umfeld teiln wollt.

I persönlich hoff auf a Entspannung vo de Beziehungen zwischen Menschn, de si eigentlich nahstenga und si in de letzten Monat sehr gegnseitig aufgscheucht ham. In welcher Familie oder in welchem Freundeskreis warn plötzlich ned Persona, mit dene ma nimma ungezwungen seine Meinungen und Ängste teiln hod kenna? Vielleicht kimmt also im Nachhinein de Erkenntnis, dass ma zu sehr in Schubladn dacht ghabt hod und doch in Zukunft mehr auf Eigenverantwortung setzt.

Ob de gsellschaftliche Spaltung dann überwundn werdn ko, bleibt fraglich, weil de Menschn ned bloß hinsichtlich Gsundheit extremisiert ham, sondern aa bei andere politische Themenfelder wia Klima, Migration und da Genderdebatte. Wo früher unterschiedliche Meinungen selten a großes Problem warn, stelln se heit a Freundschaft fundamental in Frog, sodass in de meistn Fäll entweder a Kontakt- oder a Kommunikationsabbruch erfolgt.

Des kimmt aus meiner Sicht vom erhöhtn Medienkonsum vo da Gsellschaft. Nebn de alltäglichn Medien wia Zeitungen und Fernsehn werdn de Menschn durch de Algorithmen in ihre jeweilige politische Blasn trieben. Draus ham si a extreme Polarisierung und Politisierung ergebn, weil Menschn ohne Meinung als „dumm“ und „uninteressiert“ gelten. Kimmt es dann zu ara Debatte vo zwoa entgegngsetzte Pole, so kennan de jeweilign Seitn selten olle Informationen vo da Gegnseitn, und halten si durch des aa antrainierte Rechthabertum für de oanzige Wahrheit.

De ständige Beschäftigung mit dene Themenfelder is aber mit ara hohn Negativität verbundn, weil wia scho dargstellt in erster Linie Ängste und Sorgn thematisiert werdn.

De entscheidende Frog is jetzt, ob des Resultat vo ara gsellschaftlichn Politisierung für de Gsellschaft gwinnbringend is. Wär es ned menschlicher, mir tatn uns wieder weniger um de uns aufoktroyierten Themen kümmern und mehr um sinnstiftende Lebensfragn, mit dene individuelln Antwortn mir unser persönlichs Umfeld positiv gstaltn kennan?

A toxische Gesprächsatmosphäre is unproduktiv und macht uns als Gsellschaft krank, wenngleich natürlich am gsundn Diskurs weiterhin Raum gebn werdn muass. Aber a Diskurs, dessn Ergebnis zerrüttete Freundschaftn, aber trotzdem koane praktische Handlungsanweisung san, erfüllt de Vorstellung ned.

Es is Zeit, dass mir wieder den Rückweg antretn zu da Kernfrog, wos uns als Menschn ausmacht und in welcher Form vom Zammleben des am bestn erfüllt werdn ko. Vielleicht macht uns dann goar nix aus, wenn mir doch no ab und zu lächelnd auf a Zeit zruckschaun, in da mir uns unnötig entzweit ham.

Hod dir da Artikel gfoin? Auf Facebook teiln Auf Instagram folgn

Mia san aa auf Instagram und Facebook

Neie Gschichtn, Bilder und Gaudi: gleich folgn und nix mehr verpassn.

Koarb
Nach oben scrollen