A gloane Gmoa mit großem Herz
Die Kirchturm zoagt stets himmewärts
Des kannt dir aa gfoin
As Fäid die Lung’, d’Mangfoi dei Puls
Manchmoi de Ruah manchmoi Impuls
Wer is ned an da Kiesä gleng?
Wer hod no ned dein Bergblick gseing?
Solang de Jungfrau sanft no schlafft
Sei sicher, dass de Wäid no lafft
Aa wenn de Bahn uns aussefahrt
Neamands fia imma wegbleim dat
Bruckmuia Leid ma glei dro kennt
Dass jeda fia sei Hoamat brennt
Am Voiksfest wenns’d de Luft eischnaufst
Dann gliahd d’Bruckmuia Seele auf
Vom ersten Dog mit bsonderm Gfui
Bis Sonndogs, wenn dann Kirchdorf spuit
Und d’Berg so noh, dass’d Sehnsucht griagst
Wenns’d auf da Bank zum Himme stierrst
Im Sommer gern mim Radl gfahrn
Auf d’Festl, ois ma jung no warn
Vo Heifäid bis zur Vongner Au
Vo Hegling bis noch Gädding naus
Du bist mehr ois a Hoamatgfui
I liab di oafach: mei Bruckmui!
