Da Lenz is do, I hobs scho gspiahrt
Dass d’Vegl wieda singa dern
D’Natur oan nomoi nei vaführt
Konnst as du scho klingln hearn?
Machs Fensta auf und d’Aung kurz zua
Riachst aa de siaße Frühlingsluft?
Hoit di moi staad und gib a Ruah:
Dakennst den frischen Morgenduft?
De Schnäägleckerl am Woidesrand
Läitn a ganz neie Zeit
Ois is wieda beianand
Dass gar koan mehr as Lebn grod reihd
Host du in di moi eineghorcht
Wos fia di eigntlich wiarglich zäit?
D’Natur hod wieda Wunda brocht:
Bin nei valiebt in unsre Wäid!