Perfekt fia hoaße Sommerdog, wenn ma moi koa Fleisch mehr im Kühlschrank hod und olle Gschäfter zua ham: da vegetarische Griechndöna!
Inspiriert von der Fleischversion, des im Schützenheim dank griechischem Nachbarrestaurant oft gibt, hod ma mit ziemlich wenig Aufwand an schnäin warmen Imbiss. Des Rezept is fia vier Griechndöna docht.
Zeitn
Je nochdem, ob ma an Zaziki und de Pita selm macht braucht ma entsprechend länga oda kürza. Mit kafftm Pita-Brot braucht ma fia Zaziki und Füllung ungefähr 20 Minutn.
Zuatatn
- 5 Teelöffe Olivnöl zum Obrodn
- 4 Pita-Brote (am besten scho fertig kaffa – selbagmachte wern nia gscheid)
- Zwoa Teelöffe Paprikapulva
- Zwoa Teelöffe Knoblauchpulva
- A Packal Feta-Kas
- A Tassn kloagwürfelte Gurkn
- A Tassn kloagwürfelte Tomatn
- A paar Salatbladl
- A Viertlte Tassn kloagschnittne rote Zwiebeln
Zuabereitung
- Oa Teelöffe Olivnöl in a Pfanna auf mittlerer Stufn gem
- Jeds Pita auf beide Seitn mit je am hoibn Teelöffe Olivnöl bestreichn und mit Paprika- und Knoblauchpulva bestraun
- Jede Seitn in de Pfanna schmeißn und obrodn, bis de Pita knusprig san. Aufbassn, dass as Gwürz ned vabrennt, zur Not obeschoitn
- As Pita aufschneidn, olle restlichn Zuatatn noch Belieben eineg’m und gnießn!
