Originalrezept: chefkoch.de
Des Rezept is fia drei normale Formen gedocht – hobts bloß oa Form, miassts de Angabn durch drei teiln.
As Ostalampä werd traditionell an Ostern gmacht und konn vo am Geistign gsegnet wean, es schmeckt aba aa ohne Segnung sauguad!
Zeitn
- Arbeitszeit 20 Minutn
- Backzeit 40 Minutn
- Zam a Stund
Zuatatn
- 250 Gramm Butta
- 250 Gramm Zucka
- A Packal Vanillezucka
- 5 Oa
- 375 Gramm Mäi, am besten Wiener Griessler
- A weng Zitronensaft und obgriebne Schoin
- 5 Essleffe Milli
- A Packal Backpulva
- A weng Zimt
- Pudazucka zum Aufstraun
Zuabereitung
D’Butta mitm Zucka zam schaumig riahrn. Vanillinzucka, Eia, Mäi, Backpulva und Milli dazuageb’n. An Zitronensaft üba de Schüssel auspressn und a bissl Zitronenschoin obreim (de Zitrone soit am besten Bio sei), noch Gfui a bissl an Zimt dazuageb’n und ois mitm Handrührer zu am Doag varührn.
An Ofa scho moi auf 180 Grod bei Umluft vorhoazn und de Formen fettn: des gäd beispielsweis mit am Silikonbinsl und am Stickl Butta, des ma auf da Form vastreicht. Bei Bedarf komma no a paar Semmebräsl auf de Formen straun. Danoch an Doag in de Formen fülln, aber maximal zu zwoa Drittl voimacha! In Ofa stelln und ungefähr 40 Minutn backn, danoch auskühln lossn und mit Pudazucka bestraun. Wer mog, konn a no a Glasur draufmacha. A Ostalampä is a scheens Gschenk fia Vawandte zu Ostern!
